 |
|
#1
03-30-2009, 03:19 PM
|
||||||||
|
||||||||
~[ .. عسى اللهـ لا يخسف بنا .!
. . السلام عليكم ورحمهـ اللهـ وبركاتهـ . اخباركم .؟ ان شاء اللهـ في تمام الصحهـ والعافيهـ . . مممم مدري كيف ببداء في الموضوع . بس بسألكـم ياشباب خاصهـ كيف نظرتكم للبنت السعوديهـ .؟! يعني كيف تتخيلون مجتمعهم البنات الحين . كيف لبسهم كيف اشكالهم كيف افكارهم .. هل تفكيرهم سطي ومحددو على اشياء معينهـ .. والا كيف .؟! اتمنى الاجابهـ على هالسؤال. .. امممم السالفهـ وما فيها ..] . امس كنت في ملاهي [ الحكير لاند ] . لاتقولن نصلح دعايهـ اصلا الرياض مابها الا ستار والحكير وان وان ملاهي الروضهـ اللي من سنهـ جدي ماطبيتها .. ماتتصورون قد ايش تغيرنا عن قبل .! أول كلمهـ قلتها او مادخلت الملاهي : بنااات هالاشكال مايشرفون السعوديهـ .! 1- البويات اللي بالهبل : تخيلو انا اقول نسبتهم امس تقريبا 30% .. وين الانوثهـ اللي نسمع عنها وين .؟ كنت بتهور وأمسك لي وحدهـ واسألها هالسؤال : انتي بنت الحين والا ولد .؟ بس خفت تسدحني على الارض وتمسكني ضرب قسم باللهـ لا معالم انوثهـ لا صوت وش بقى .! انا اصلا امشي عندهم والفكره في بالي انهم شباااااااب .{. ما اتخيلهم بنااات ابدا ابدا ابدا .!
لا ياليت وقفت ع كذا وبس .. كل بويهـ ماسكهـ لي بنت [ مدري ليهـ دائما البنت متضايقهـ واللي معها تواسيها يعني ] .! تخلف اصاب بناتنا لو بتكلم عن البويات ماراح نخلص .. معلومهـ سمعتها : [ ان اكل التمر يساعد على تساوي عدد الهرمونات ] طيب ابي افهم وش الفايده من هذا كلهـ الحين .؟ انت ولد يعني . تعيشين حياتكـ حياتهـ ولد والا كيف .!؟ . . 2- وين راح الحياء .؟ انا ما اذكر فيهـ احد يلبس الى نص الفخذ يعني نمشي مع التطور حنا .. يعني هاذي عورهـ مغلظهـ ماتطلع الا للضروره . تجيكم بنت لابسهـ لي تنورهـ الى نص الفخذ .. والا جنز شورت مدري كيف ماتستحي تلبسهـ ياليتها وقفت ع وحده والا ثنتين للاسف واللهـ . . 3 - الايمو .. بكثــــره .. يعني تقريبا 20% منهم كذا .. وتكلمتوا عنهم في موضوع خاص مايحتاج اتكلم اكثر .! .. الفائده من هالموضوع كلهـ [ انتم ياشباب متخيلين ان البنات كذا .. والا هذا شي جديد عليكم ] أمس اقول لأمي : يمااه ابي ادخل اخواني للملاهي يشوفون اللي انا اشوفهـ < بس لاتخافون مافي امل . . بنات المنتدى : لا تقولون : وش تبين انتي من الحياه .؟ مسويهـ فيها انتي العاقلهـ والباقي لا .. يعني انتم عاجبكم كذا . الجيل الحين وخاصهـ في عمر المراهقهـ الحين [ بويات - ايمو - جنس ثالث ] انا ما اقول انا عاقلهـ وما اعرف هالخرابيطـ . ماتدرون عني انتم بس من يأيد كلامي منكم .. وهل على جيلنا وعيالنا خوف والا لا .؟! ما اقول الا : اللهـ لايخسف بنا بسببهم . . تنبيهـ : اتمنى مايكبر الموضوع ويصير مثل سالفهـ [روايهـ بنات الرياض ] . . اتمنى اشوف ردودكم .. وتفاعلكم ![توقيع : نبضـ~ إينـــآسـ]::.](helm/t.png)
|
|
03-31-2009, 12:44 AM
|
#2 | |
|
vip
|
كلامك صحيح 100 ب100 لدرجه صار جنون موانحراف كثير اشوف بنات في الجامعه قبل لااتخرج وبنات في مناسبات واعياد ميلاد اخجل منهم كانهم شباب والمشكله يطالعون بنظرات حقيره ووقحه وانا وحده كثير مريت بمواقف مع البويات تحرشات وترقيم وقلة ادب بس ماكنت صراحه اعديها لهم كنت اتعمد احرجها اذا حاولت تتقرب كعلاقه منحرفه لاكن اكثر شي صدمني ان مدرسة الكيمياء كانت بويه وطلبت رقمي هذا الى الحين موقادره انساه موقف كنت راح يغمى علي من الصدمه وانا اشوف الي قدامي مدرستي الي المفروض تزرع فينا المبادئ الاخلاق الحسنه الاقيها تطلب رقمي وحابه يكون في علاقه بينا انا موفاهمه كيف مدرسه وبويه بنفس الوقت ايش هذا التناقض الي عايشته
اما بخصوص البس فانا صراحه مع التطور ولبس الموضه واحب البس البرمودا والفساتين القصيره والجينزات الي خصرها نازل وتي شيرت القصير بلعكس هذا الشي موعيب اذا انا البسه عند بنات مثلي اوخطيبي عادي مافيها شي احنا بنات ولازم نعيش عمرنا مشكوره على الطرح عزيزتي |
|
|
|
03-31-2009, 06:24 AM
|
#3 | |
|
كلاسي مميز
|
مشكووووووووور عالموضوع والطرح الرائع لكن في سن المراهقة الانسان معرض للتغيير وحب التجربة وانت ماتقدر تلوم بنت عمرهر 13 او الى 20 سنه لكن تلوم اهلها يعني امها او ابوها ماشافوها وهي طالعه من البيت هذا للاسف التفكك الاسري وغياب الاهل لان الام تكون طالعه قبلها اومسافره او منفصله عن الاب مستحيل تكون عندها ظروف عاديه واهتمام وهي قلبت كذا فاول العلاج من البيت وبعدين نطالع تصرفات البنات اما بالنسبة للبس فكلنا نلبس عادي مو مشكلة بس اهم شي تعرف متى ووين تلبس ؟؟؟؟ وفي مشكلة ثانية انه الاعلام يحاول يبرز الشذوذ ويجعله من الحريات الشخصية .
|
|
   |
 |
| علامات |
| أدوات الموضوع | البحث في هذا الموضوع |
| طريقة عرض الموضوع | |
|
|
 |
![الصورة الرمزية الخاصة بـ نبضـ~ إينـــآسـ]::.](http://www.alclass.com/vb/avatars/users/1984.gif?dateline=1237898163)
![نبضـ~ إينـــآسـ]::. is on a distinguished road](images/reputation/reputation_pos.gif)
الوضع العادي
