فنان اردني شاب شق طريقة بعالم الفن من خلال برنامج ستار اكادمي حفر لنفسه بصمة في تاريخ البرنامج دخل قلوب الكثيرين منذ ان اطل بالبرايم الاول للبرنامج احبه الجميع لصدقة وصراحته وفنه يعشق الة الجيتار وهناك تناغم عجيب بين انامله واوتار جيتاره توجه الى الغناء وبذل جهدا كبيرا للخوض في هذا المجال وهاهو اليوم يخطو بنجاح ليثبت نفسه كفنان يجمع بين العزف والغناء انه الغنان الاردني الشاب باسل خوري الذي جمعنا به لقاء حصري وخاص لمنتدى كلاس
بداية عرفنا عن هويتك الشخصية التي نعرف منها انك من مواليد 11 ايار عام 1988 وانك الابن الاصغر في العائلة وتسكن في العاصمة الاردنية عمان ماذا تضيف لنا شيىء لانعلمة ؟
انا مواليد 11/5/1987 و صح انا اصغر واحد بين اخواني وعايش في الاردن في عمان
كم اخ واخت لك؟
احنا شابين وبنتين
مازلت على مقاعد الدراسة الجامعية ماهو تخصصك العلمي في الجامعة ؟
مازلت وتخصصي تسويق
هل تنوي اكمال دراستك الجامعية بعد دخولك عالم الفن ام انك ستؤجل الدراسة حاليا؟
اكيد ناوي اكمل الدراسة هي شيي اساسي وكتير مهم وهلا سجلت على الفصل الاول دوامي
رأينا بباسل عازف جيتار محترف جدا في اي عمر بدأت العزف وعلى يد من تتلمذت في عزف الة الجيتار؟
بدأت العزف على عمر 15 سنة وتعلمت لحالي بمساعدة بعض الاصدقاء
كيف ورد ببالك فكرة الالتحاق بستار اكادمي ومن شجعك لتخطي هذه الخطوة؟
خطرلي اشارك بستار اكادمي بسبب تشجيع اصحابي لالي على الموضوع وكتير ناس شجعوني منهم اهلي واصحابي وقويدرمان
هل كان لتجارب لزملائك الذين سبقوك بالدورات السابقة من البرنامج دور في اقدامك على هذه الخطوة؟
لا
هل كنت تتوقع قبولك في البرنامج؟
نعم انا لما قدمت كنت متوقع اني انقبل بالبرنامج ايمانا بموهبتي ومن حبي للفن
اذكر انه في يوم كاستنج ستار اكادمي في الاردن كان هناك حفلة للنجم محمد قويدر بمهرجان الاردن وكنت عازف الجيتار بالفرقة مع محمد قويدر حدثنا عن ذالك اليوم وكيف قدمت للبرنامج ؟
مزبوط انا كنت بعزف مع محمد قويدر ومع عدد كبير من الفنانين العرب وكان بنفس يوم الكاستنج عندي حفلة مع قويدر رحت الصبح وقدمت وبعدين رحنا على الحفلة وكانت اكيد حفلة بتجنن
من كان بلجنة التحكيم في الكاستنج؟
شاب مش معروف اسمه طوني حسب مابتزكر
ماهو شعورك عندما علمت انك ستكون احد طلاب الموسم السابع؟
اكيد فرحت كتير وحسيت انه حلمي رح يتحقق وحسيت بمسؤولية كبيرة
خلال فترة ستار اكادمي كان باسل شاب مهذب ومثقف وصريح جدا هل شعرت انك صراحتك سببت لك بعض المشاكل مع اصدقائك ؟
مش مع الاصدقاء لأ بس مع الاكادمي
جمعتك علاقة مميزة مع الطالبة المصرية الرقيقة رانيا نجيب واثارت هذه العلاقة العديد من الاشاعات عن وجود قصة حب بينك وبين رانيا ماذا ترد انت على هذا الكلام وهل فعلا دق قلبك بالحب تجاه رانيا؟
انا ورانيا بتجمعنا صداقة كتير قوية بس مش اكتر مافي قصص حب بس اكيد هي انسانة روعة وفنانة بتجنن وبتستاهل كل خير
من هو الطالب الذي لم تصوت له وندمت كثيرا على ذلك؟
ريان
هل توقعت الفوز لناصيف ام انك كنت تتوقعة لمحمد رمضان؟
كل شي توقعته بالاكادمي طلع غلط بس انا حسيت انه ناصيف رح يفوز من الاول بس اكيد رمضان وناصيف ورحمة وكل اللي شاركوا بالاكادمي بستحقوا يفوزوا بس هاي لعبة وحظ
تجمعك صداقة مع النجم الرائع محمد قويدر وكنت ترافق قويدر بجميع حفلاته وتعزف الجيتار معه بالفرقة حدثنا عن هذه الصداقة؟
اكيد قويدر اخ وصديق عزيز عليه واكيد بيشرفني عزفت معه وكان الموضوع جدا مسلي وقضينا اوقات كتير حلوة مع بعض
شاهدنا محمد قويدر باستقبالك في المطار وفي بيتك بعد عودتك من ستار اكادمي وكذلك سمعنا باكثر من اذاعة تشجيع من قويدر لباسل وكتب ببروفايله على الفيس بوك طالبا دعمك وانت بالبرنامج
ماذا تقول انت لمحمد قويدر؟
اكيد قويدر على راسي واكيد كنت عارف انه رح يدعمني بكل المشوار لانه صديق رائع وزلمة يعتمد علي واكيد هادا الشي مارح انسى
جمعك ديو مع رانيا نجيب كيف ولدت فكرة الديو ومن كلمات والحان من واين تم تسجيلها؟
تم تسجيل الاغنية في عمان نشأت الفكرة بعد ماشفنا محبة الناس النا ودعم الناس النا واكيد من طلب الكل انه نعمل ديو مع بعض واكيد احنا هدفنا الاول انه نرضي الناس اللي بتحبنا واللي دعمتنا فكان لازم نعمل اغنية مع بعض
انا لا ارى نفسي هادا الموضوع بايد ربنا مش ممكن الواحد شو ربنا كاتبلو بس اكيد بتمنى انه اكون عملت اشي يرضي الناس اللي بتحبني
هل لك مشاركات بمهرجانات اردنية هذا العام ؟
لأ قررت الابتعاد عن المهرجانات هادي السنة لانه لازم حضر شغل منيح الموضوع مش سلطة لازم نحضر حالنا كتير منيح قبل ما نواجهه الناس
زرت الفنان مروان خوري في بيته وطالما ابديت خلال تواجدك بستار اكادمي عن حبك لمروان خوري حدثنا عن هذه الزيارة ؟
زرت الفنان مروان خوري في بيتو عزفنا وغنينا مع بعض وتحثنا بكتير مواضيع ووعدني بعمل قريب ان شاءالله واكيد كانت فرحتيلا توصف بلقائو لانه هو واحد من قدواتي بالفن
هل ستغني من كلمات والحان مروان خوري ام ان الفكرة لم تطرح حتى الان؟
بتمنى اكيد هادا اشي بيشرفني
ماهي مشاريعك الفنية التي خططت لها وبدأت بتنفيذها حتى الان؟
ان شاءالله خير انا بحب المفاجئات ومابحب الحكي استنوا وبتشوفوا
كلمة من باسل خوري عن كل من
رولا سعد :امرأة عظيمة
ميشال فاضل :اخ وفنان وصديق
ناصيف زيتون :اخ وفنان كبير
محمد قويدر : من اعز الاصدقاء واحلى صوت
طاهرة :رمز الانوثة والتواضع والجمال
زينة :اختي ومن اقرب الناس الي
ميرال :جبارة
رحمة : اطيب قلب واحن صوت
محمد رمضان :اخ وصديق ابدي وفنان كبير الو مستقبل حافل
ريان : اكيد من اقرب الناس الي وكمان اخ وصديق وفنان روعة
خليل ابو عبيد :استاز كبير ومدرسة
ميري محفوظ :ام حنونة ومعرفة موسيقية لا تنتهي
جمهور باسل خوري :اصدقائي وحبايبي
صعق الجميع برحيل شاب بربيع العمر رامي الشمالي الذي عشت معه 4 اشهر رحل تاركا وراءه الام وحسرات بقلوب الجميع
كيف تلقيت خبر وفاته ؟
تلقيت هادا الخبر من ريان وكتير زعلت على الموضوع وعلى طول سافرنا انا ورمضان على لبنان لنكون بجنب اهلو واصحابوا
شاهدناك بعزاء رامي صف لنا شعورك وماهو الشريط الذي دار في رأسك وانت ترى رامي في النعش ؟
اكيد كتير كان شعور بشع وكتير محزن واكيد رامي مش بس احنا خسرنا كل العالم خسروا الله يرحمو ويصبر اهلو ويبعد عنا وعنكم كل شر واحزان
في اتصال لك مع مازن دياب قلت ان حالة ريان بعد رحيل رامي صعبة كيف هو الان؟
هلأ احسن الحياو بتمشي وبنشكر ربنا على نعمة النسيان بس اكيد ريان كتير متأثر حتى الان ولهلأ مش مصدق
هل مازلت بتواصل مع والدة رامي ؟
بطريقة غير مباشرة لانها ما بتحكي على التلفون مع حدا فبتطمن عليها من رحمة وريان وبوصل سلامي معهم دائما
هل تطمئن عن محمود شكري وماذا تقول لعشاقة عن حالته الصحية الان؟
اكيد محمود اخ عزيز هلأ حالتو احسن ان شاءالله ويارب يقوم بالسلامة وباسرع وقت
اخيرا كلمة من الفنان الاردني باسل خوري الى منتدى كلاس
شكرا على المقابلة الحلوة واكيد استنوا كل اخباري على كلاس والله يوفقكم
الوضع العادي
