تجربه ستار اكاديمى من اهم و احلى تجارب حياتى ضافت لى كتير فنيا و شخصيا عرفتنى ب اغلى اصدقاء عمرى و طبعا جوزى موخا قبل كل حاجه
ما القيم التي اكتسبتيها من هذه المشاركة؟
اكتسبت منها حاجات كتير منها الصبر و تحمل المسؤليه والتأقلم مع جنسيات مختلفه و فنيا كتييييير جدا
لو عاد بك الزمن للورى هل ستشارك باستاراكاديمي ومن وجهة نضرك ماهي سلبيات وايجابيات البرنامج ؟
و اكيد لو رجع بيا الزمن حشارك فى البرنامج اللى قضيت فيه ايام جميله جدا
ما هي الهدية التي احببتها ولا تزالين تمتلكينها من وقت الاكاديمية؟
كل الهدايا اللى وصلتنى حبيتها و فرحت بيها عشان كانت بتحسسنى بحب الناس و كلها عندى لحد دلوقت طبعا
هل مازلت على اتصال باصدقائك في دفعتك
اه معظم الطلاب على اتصال بيهم و على طول بنكلم بعض
ما أصعب موقف واجهته في الأكاديمية؟
اصعب موقف كان خروج موخا و طلوعى نومينيه بعدها على طول كان الاسبوع ده صعب عليا اوى
حدثينا عن موقف حصل لك بداخل الاكاديمية ولن تنساه ؟
كل مواقف الاكاديمي فى قلبى و مستحيل انساها بفتكر دايما مقالبنا و صحكنا مع بعض و هزارى مع وديع فى الصف و كان صفه اكتر صف بحبه
ما هو الشيء الايجابي الذي حصلتي عليه في الاكاديمية؟
حصلت من الاكاديميه على الشهره السريعه اللى كنت بحلم بيها وقتها والناس الجميله اللى اتعرفت عليهم هناك
- من هو أكثر شخص لايمكن احتماله في الاكاديميه ولماذا؟
اكتر شخص لا يمكن احتماله فى الاكاديمى مافتكرش انى بحمل ضغينه ل حد كلنا وقتها كان عندنا ضغط نفسى شديد و لازم نستحمل بعض
هل مازلت تتا بعين برنامج استار اكاديمي وما هو انطباعك على نسخته السابعة
بتابع ستار اكاديمى اكيد بس البرايمات بس و ممكن شويه من اليوميات على فكره صعب على اى حد عاش التجربه دى انه يتابع يوميات البرنامج بس اكيد وقت البرنامج بنكون منتبهين للطلاب و للبرايمات و رأى الجمهور فيهم النسخه السابعه كانت كلها مواهب جميله جدا واللى وصلو للفينال كلهم يستحقو اللقب و طبعا مبروك ل ناصيف صوته الحلو يستاهل اكتر من اللقب
و زعلت جدا على رامى الله يرحمه و يصبر امه كان انسان خلوق و فنان جميل ربنا يرحمه يااااا رب
أيّ برايم كان المفضَّل لديك؟
البرايم الاول و البرايم الاخير ليا كانو اكتر برايمات قرب لقلبى
ماهو رأي راقيه بالطلاب:
خليفه سالم: رأيى فى خليفه مافيش صديق و اخ زيه فى الدنيا انسان طيب و دمه خفيف و صديق لابعد الحدود
جوزيف عطيه: جوزيف عسل عشرته حلوه و قريب ع القلب صوته جميل و دمه خفيف و طيب
هاني حسين: هانى راجل جدا و اخلاق و بحب صحبته و دايما بنمووت من الضحك لما بنكلم بعض مش عارفه ليه
زيزي: زيزى من الاصوات المصريه البارزه فى مواسم ستار اكاديمى كلها انسانه طيبه و محترمه
" وفاة الطالب رامي الشمالي آلم الكثير ماذا تقول لاهله ومحبية –
اقول ل اهل رامى البقاء لله ربنا يرحمه كلنا اتصدمنا و حزننا حزن شديد على وفاته لكن ده قدر ربنا وان شاء الله ربنا يلهمهم الصبر و السلوان و يرحمه و يصبر امه
هل تجبر إدارة البرنامج المشتركين على إقامة علاقات غرامية في ما بينهم.. فما صحة ذلك؟
لا طبعا اداره الاكاديميه مابتدخلش فى انشاء العلاقات العاطفيه بين الطلاب انا عن نفسى ماشفتش حاجه من دى فى فتره وجودى فى البرنامج
هل يتدخلون في ملابسكن الشخصية، سواء في الظهور أثناء «البرايم» أم أثناء وجودكن داخل الأكاديمية؟
ملابس البرايم اختيارهم هما و ملابسنا الشخصيه ماحدش بيتدخل فيها
من الفنان الذي تتخذة مثل اعلى لك وتحرص على سماعة باستمرار ؟؟-
فنانين كتير بحبهم و بسمعهم دايما زى فيروز و ورده و شيرين و ناس كتير
من المطرب "او المطربه "الذي لا تعجبك اغنياته؟
على حسب ممكن فنان يعمل اغنيه ماتعجبنيش بعدها يعمل اغنيه تعجبنى والحكايه مسأله اذواق و بتختلف بين الناس
- لو طلبنا منك اختيار فنان لتوجة له سؤالا من تختار وما السؤال الذي ترغب بطرحه عليه؟
الفنان اللى نفسى اسأله سؤال فيروز و اقولها امتى حتعملى حفله فى مصر مشتاقين ل صوتك هنا
- من الممثل الاول برايك والمطرب الاول ؟
الممثل الاول ب رأيى احمد حلمى والمطرب الاول كاظم الساهر
كيف تختصرين شخصية راقية؟
شخصيه راقيه متقلبه المزاج و بحب الضحك و لمه الاصحاب
ما ابرز عيب في شخصيتك؟
ابرز عيب فى شخصيتى العصبيه
كيف هي حياتك الان؟
حياتى الان حياه اى انسانه متجوزه و ام والحمد لله
ما هو لونك المفضل؟
لونى المضل الازرق
ما هي اكثر المأكولات المفضلة لديك؟
اكتر المأكولات بحبها الاسماك ب جميع انواعها
كلمة اخيرة توجهها لاعضاء وزوار منتدى الكلاس -
شكرا ل منتدى كلاس و اعضائه على المقابه الجميله دى و يارب تكونو كلكم فى احسن حال و كل سنه وانتم طيبين بمناسبه شهر رمضان الكريم اعاده الله عليكم بالخير يا رب
الوضع العادي
